घाइते पत्रकार गिरीलाई सहकर्मीको सहयोग
२७ बैशाख, नेपालगन्ज । सडक दुर्घटनामा परी गम्भीर घाईते भएका नेपालगन्जका पत्रकार नविन गिरिको उपचारको लागि सहकर्मीबाट सहयोग जुट्न थालेको छ ।
द हिमालयन टाइम्स्का समाचारदाता तथा शाखाका केन्द्रीय पमर्षद दामोदर भण्डारीले घाइते पत्रकार गिरीको उपचारका लागि ५ हजार प्रदान गरेका छन् ।
Help For Nabin Giriपत्रकार भण्डारीले शनिवार नेपाल पत्रकार महासंघ बांके शाखामार्फत गिरीलाई रकम प्रदान गरेका हुन् । शनिवार आयोजित कार्यक्रममा नेपाल पत्रकार महासंघ बाँके शाखाका अध्यक्ष रुद्र सुवेदीलाई उक्त रकम हस्तान्तरण गरिएको हो ।
रकम लिदै अध्यक्ष सुवेदील गिरीको उपचारमा सहयोग पुर्याउन सबै पत्रकार तथा संघ संस्थाहरुलाई आग्रह गरे । गिरीले उपचार गराउँदै आएको कठमाडौंको ग्राण्डी अन्तर्राष्ट्रिय अस्पतालमा पुगेर शाखाबाट १० हजार रुपैयाँ हस्तान्त्रण गरेको बताए ।
केही हप्ताअघि दाङ्गस्थित घर गएका पत्रकार गिरीलाई अर्को मोटरसाइकलले ठक्कर दिएको थियो । उनको खुट्टा र हातमा गम्भीर चोट लागेको छ । उपचारका लागि १५ लाख रुपैयाँ लाग्ने भएकाले सहकर्मी पत्रकारहरुले रकम संकलन गरिरहेका छन् ।
